Psa 34 | PONPDN | STEP | I PAN kapinga Ieowa ansau karos; au ai pan kapinga i kokolata.

Psalms 34

1 I PAN kapinga Ieowa ansau karos; au ai pan kapinga i kokolata.
2 NGen i en suaiki Ieowa, me luet akan pan rong, ap peren kida.
3 Komail iang ia kapinga Ieowa, pwe kitail en wiaki eu, kalangada mar a.
4 Ni ai rapaki Ieowa, a kotin sapeng ia, o dore ia la sang nan ai masak karos.
5 Me ariri i, pan kakelada, a mas arail sota pan namenokala.
6 Ol luot men et lao likwir, Ieowa ap kotin erekier o dorela i sang nan a apwal akan karos.
7 Toulang en Ieowa kotikot ren me Ian i o kotin sauasa ir.
8 Komail song o kilang duen kalangan en Ieowa! Meid pai, me liki i!
9 Lan Ieowa sapwilim a saraui kan! pwe me kin lan i, sota pan anane meakot.
10 Laien pulepul akan lekila o men manada, a me kin rapaki Ieowa, sota pan anane meakot.
11 Sama ko, komail kodo re i, rong ia, i pan padaki ong komail duen lan Ieowa:
12 Is me inong iong maur warai, o is me mauki ran kaselel akan?
13 Pere sang mesued lo om o kilin au om, pwe re der kotaue.
14 A muei sang mesued, ap wiada me mau, rapaki popol ap dadaurata.
15 Silang en Ieowa mamangi me pung kan, o karonga ereki ar likwir;
16 silang en Ieowa kin palian ir, me kin wia mesued, pwen kawe ir ala sang nan sappa.
17 Irail kin likwir, Ieowa ap kotin mangi ir o kotin sauasa ir sang ni ar apwal akan karos.
18 Ieowa koren iong ir, me mongiong arail arail olar, o kotin sausa ir, me ngen arail olar.
19 Kalokolok toto lel ong mo pun kan, a Ieowa kin kotin sauasa ir sang nan mepukat karos.
20 A kotin sinsila kokon akan karos, pwe eu ender tip pasang.
21 Me sued kot pan kamela mo doo sang Kot akan, o me kin kailongki me pung kan, pan kalokolok.
22 Ieowa kin kotin dorela ngen en sapwilim a ladu kan, o karos me liki i sota pan kalokolok.